जनकपुरधाम, भदौ ९ गते ।
सोमबार चाँदीको मूल्य नयाँ रेकर्डमा पुगेको छ।
नेपाल सुनचाँदी व्यवसायी महासंघका अनुसार चाँदी प्रतितोला २३५५ रुपैयाँ तोकिएको छ, जुन अहिलेसम्मकै उच्च दर हो।
अघिल्लो दिनको तुलनामा मूल्य ५ रुपैयाँले वृद्धि भएको हो। यसअघि साउन ७ गते र आइतबार प्रतितोला २३५० रुपैयाँमै कारोबार भएको थियो।
चाँदी महँगिँदै गर्दा भने सुनको मूल्य घटेको छ। महासंघका अनुसार आज सुन प्रतितोला १ लाख ९७ हजार २ सय रुपैयाँमा तोकिएको छ, जुन अघिल्लो दिनको तुलनामा ३ सय रुपैयाँ कम हो।
आइतबार सुनको मूल्य १ लाख ९७ हजार ५ सय रुपैयाँ थियो। यसअघि साउन २३ गते सुनको भाउ हालसम्मकै उच्च १ लाख ९९ हजार ४ सय रुपैयाँ पुगेको रेकर्ड छ।
