सरोजकुमार महतो
जनकपुरधाम, असोज २४ गते ।
बिदामा आफ्नो कर्मथलोबाट पक्कै पनि जन्मथलो आउनु भएको होला वा आउने क्रमका हुनुहुन्छ, वर्ष भरीमा लामो बिदा जो पाइएको छ । आफ्नो जन्भूमी सबैलाई प्यारो नै लाग्छ । बिदा अवधिमा केही फलदायी काम गर्नुपर्छ जस्तो मलाई लाग्छ । यहीँ सोचले मेरो व्यक्तिगत तर्फबाट यी ५ काम जो गर्न सकिन्छ, तपाईहरुलाई सुझाउन जमर्को गरेको छु ।
१. परिवार तथा आफन्तसँग समय बिताउने
हामी परिवार तथा आफन्तसँग प्रायः सुन्ने गुनासो भनेको समय नदिएको हो, जुन स्वाभाविक पनि हो । कर्मथलोम काम लगायत अन्य जिम्मेवारी समेत निर्वाह गर्नुपर्ने भएकाले परिवार तथा आफन्तलाई समय दिन भ्याइरहेको हुँदैन । त्यसलै यहीँ अवसर हो, परिवार तथा आफन्तहरुसँग समय बिताउनुस् । उनीहरुका कुरा सुन्नुस्, सक्ने कामहरुमा सघाउनुस या सक्ने साथ दिनुस् । सकेसम्म घरका वृद्ध उमेर र बालबालिकासँग समय व्यतित गर्ने कोशिस गर्नुस, यसरी तपाईँले फरक किसिमको अनुभव लिन सक्नुहुन्छ ।
२. जनप्रतिनिधिलाई भेट्ने
औपचारिक रुपमा होस वा नहोस तर बिदा त सबैले लिन्छन । विदा जनप्रतिनिधिहरुको पनि हुन्छ । उहाँहरुको कर्मथलो र जन्मथलो एउटै हो । तपाई आफ्नो पालिका प्रमुख लगायत उपप्रमुख, वडा समितिहरुलाई भेट्ने कोशिस गर्नुस् । पालिकामा के हुँदै छ ? कसरी काम हुँदैछ ? चुनौती तथा अवसरहरु के के छन् ? वाचा गरिएका कुराहरु पुरा भयो त ? लगायतका विषय बुझ्नु । आफ्नो विज्ञताको आधारमा के प्रगति भएको छ र त्यसमा तपाईको भुमिका केहि हुन्छ भने जनप्रतिनिधिहरुलाई बताउनुस् ।
विशेष गरि वडाका समितिका सदस्यहरुलाई भेटने पुर्ण रुपमा कोशिस गर्नुस् किनकि वहाँहरु जनप्रतिनिधि त हुनुभयो तर भुमिका बिहिन छन् । वडा सदस्यहरुका लागि केहि गर्न नसकिए पनि कम्तिमा वहाँको कुरा सुन्नु । निवार्चनमा भोट दिइसकेपछि कतिपयलाई गाउँ आउने अबसर पनि यहीँ बेला मिलेको होला । मतदान गर्नु मात्रै हाम्रो दायित्व हैन निर्वाचित जनप्रतिनिहिरुसँग प्रश्न गर्ने पनि कर्तव्य हो । याद गर्नुहोला हाम्रो गाउँ हामी नै बनाउने हो ।
३. साथिसँगीसँग पुर्णमिलन गर्ने
विद्यालय तथा उच्च तहका साथिहरुसँग सकेसम्म समय बिताउने प्रयास गर्नुस् । यहि समय हो जहाँ बिताएका क्षणलाई ताजा बनाउने । आफ्नो आफ्नो जुडिएका क्षेत्र बारे साझा गर्ने । एकअर्कासँग सहकार्य गर्न सकिन्छ वा सहयोग गर्न सकिन्छ भने सहयोग गर्नुस् । आफ्नालाई आफ्नैले सहयोग गर्छ ।
भेटेको बेला आफु पढेको विधालय भ्रमण गर्नु होला त्यहाँको अवस्था बारे बुझ्ने प्रयास गरि सहकार्य गर्ने योजना बनाउनु होला । यहि समय साथिसँगीसँग समय बिताउने पछि त सकिन्छ तर भौतिक रुपमा हैन । जिवनमा साथिहरु महत्वपुर्ण हो । मिलेसम्म बाहिर घुम्ने वा पिकनिक गर्ने योजना बुन्न सकिन्छ ।
४. गाउँघरमा भएका युवाहरुसँग समय बिताउने
जुन ठाउँमा हुर्किनु भयो तर लामो समय देखि समय बिताउनु भएको छैन होला । त्यहाँ भएका युवाहरुसँग समय बिताउनुस् आफ्नो अनुभव साझा गर्नुस् । युवाहरुको योजना पनि सोध्नुस् त्यसलाई कार्यान्वयन कसरी गर्ने भने कुरामा मेन्टरिङ्ग गर्ने प्रयास गर्नुस् । आफ्नो गाउँ आफैले बनाउने हो । उनीहरुको लागि अवसर के के हुनसँग र उनीहरुको ईन्ट्रेस्ट अनुसार कुन क्षेत्र छान्दा राम्रो होस् भने सुझाव दिन सकिन्छ भने प्रयास गर्नुस् । स्थानियस्तरमा पुस्तकालय वा अन्य केहि युवाहरुका लागि गर्न सकिन्छ भने प्रयास गर्नुस् । सके सम्म युवाहरुको उपोग हुने क्रियालापमा भाग लिने र सहभागी गराउने वातावरण मिलाउनुस् ।
५. आफ्नो लागि समय बिताउने
कर्मथलोका विभिन्न कारणले मन परेको फिल्म, वेबसिरिज हेर्ने समय नमिलेको हुन सक्छ । चाहेको किताब पढने समय नमिल्न सक्छ । केहि मनका लागेको कुरा लेख्न वातावरण नमिलेको हुन सक्छ । घुम्न मन लागेको ठाउँ लिस्टमा धेरै होला तर समय न मिलेको हुन सक्छ । यी सबै कुरा पुरा गर्ने उपयुक्त समय हो । चाहेको फिल्म तथा वेबसिरिज हेर्नु होला जस्तो कि हिन्दि फिल्म महराज, महराजा फिल्म जस्ता हुन सक्छ भने हिन्दि स्कुप जस्ता वेबसिरिज पनि होला उदाहरणका लागि केहि सुझाएको छु ।
त्यस्तै विभिन्न किताबहरु पढ्ने मन भएका ती कितावहरु पढ्ने कोशिस गर्नु होला । मनका भएका कयौँ कुरा लेख्न मन लागेको होला ती कुरा लेख्नु । घुम्न जान मन लागेको ठाउँहरु घुम्नु । आफुलाई चाहे अनुसारको केहि समयका लागि भए नि समय बिताउनु । काम गर्नेहरुलाई आफ्नो व्यक्तिगत बिदा बिना यसरी लामो समय बिदा कमै पाउँछ । यसलाई कयौ तरिकाले सदुपयोग गर्न हरदम प्रयास गर्नु पर्छ । माथि उल्लेख गरिका मेरो नितान्त व्यक्तिगत विचार हो । मन परे उपयोग गर्नु होला । तपाईहरुसँग फरक किसिमका आईडि छ भने त्यहि अनुसार उपयोग गरि हामी माझ साझा गर्नु होला । ढिलो भएपनि दशैको भव्य शुभकामना !
