जनकपुरधाम , साउन ३० गते ।
रौतहटमा एक ७४ वर्षिय वृद्धको शव फेला परेको छ।
बुधबार बिहान शंकास्पद अवस्थामा घर नजिकको खेतमा एक वृद्धको शव फेला परेको हो।
गौर नगरपालिका-५ कोइरी टोलका ७४ वर्षीय अनिरुद्ध महतोको शव फेला परेको हो।
उनको शव आफ्नै घर नजिक रहेको धान खेतमा भेटिएको हो ।
रौतहटकी प्रहरी प्रबक्ता एवम् डिएसपी एलिजा गिरीका अनुसार महतोको हात र कोखामा धारिलो हतियारले प्रहार गरिएको पाइएको छ ।
चोट देख्दा उनको हत्या भएको आशंका गरिएको हो।
सूचना पाएर घटनास्थल पुगेको प्रहरीले मृतक महतोको घरबाट प्याकेटमा राखिएको अवस्थामा गाजा फेला पारेको तथा उनको गोजीबाट पनि गाजा बरामद गरिएको छ ।
मृतक महतो प्रतिबन्धित गाजाको सेवनकर्ता एवम् बेचबिखनमा समेत संलगन रहेको हुन सक्ने उनले बताइन्।
घटनाबारे थप अनुसन्धान भइरहेको प्रहरीले जनाएको छ।
