जनकपुरधाम, साउन २४ गते ।
रौतहटबाट एकजना नक्कली प्रहरी पक्राउ परेका छन ।
पक्राउ पर्नेमा रौतहटको माधवनारायण नगरपालिका १ का २४ वर्षीय रमेश साह रहेका छन् ।
सादा पोशाकको प्रहरी भन्दै रकम असुली गरेको आरोपमा उनलाई पक्राउ गरिएको जिल्ला प्रहरी कार्यालय रौतहटकी प्रवक्ता डिएसपी एलिजा गिरीले बताइन ।
उनका अनुसार इलाका प्रहरी कार्यालय चन्द्रनिगाहापुरको टोलीले चन्द्रनिगाहापुर नगरपालिका ९ डुमरिया चोकबाट मंगलबार राति पक्राउ गरेको हो ।
उनले बोकेको झोलाबाट सशस्त्र प्रहरी बलको पोशाक समेत बरामद भएको छ ।
साहले आफू सादा पोशाकको प्रहरी भन्दै सर्वसधारणलाई धम्क्याउँदै रकम असुल गर्ने गरेको पाइएको डिएसपी गिरीले बताइन् ।
