जनकपुरधाम, चैत ७ गते ।
सप्तरीमा आफ्नै बुवालाई एक युवकले बन्चरो प्रहार गरि हत्या गरेका छन् ।
सप्तकोसी नगरपालिका-३ सखबनी नयाँ बस्तीका ४५ वर्षीय हिराई सदाको उनका छोरा २२ वर्षीय लालदेब सदाले हत्या गरेको प्रहरीले जनाएको छ ।
सप्तरीका डिएसपी ढुण्डीराज न्योपानेका अनुसार घरायसी विवादमा बन्चरोले घाँटीमा प्रहार गरी हत्या लालदेवले बुवाको हत्या गरेका हुन ।
उनले घाँटीमा बन्चरो प्रहार गर्दा हिराईको घटनास्थलमै मृत्यु भएको थियो । लालदेबले गरेको बन्चरो प्रहारबाट छिमेकी ६५ वर्षीय दसन सदा पनि घाइते भएका छन् । उनको टाउको र हातमा चोट लागेको छ ।
फतेपुरस्थित स्थानिय अस्पतालमा दसनको उपचार भइरहेको प्रहरीले जनाएको छ ।
आरोपी लालदेवलाई जिल्ला प्रहरी कार्यालय सप्तरीले बन्चरो सहित नियन्त्रणमा लिएको छ । घटनाबारे थप अनुसन्धान भैरहेको डिएसपी न्यौपानेले बताए ।
