जनकपुरधाम, फागुन २६ गते ।
सप्तरीमा एक पुरुषको शव फेला परेको छ ।
कुनौली–राजविराज सडकखण्डमा पर्ने तिलाठी कोइलाडी गाउँपालिका–१ स्थित पुलमुनि एक पुरूषको शव फेला परेको जिल्ला प्रहरी कार्यालय सप्तरीले जनाएको छ ।
राजविराज नगरपालिका–१६ बस्ने राजेशकुमार यादव पुलमुनि मृत अवस्थामा भेटिएको सप्तरीका प्रहरी प्रवक्ता डिएसपी ढुण्डीराज न्यौपानेले जानकारी दिए।
उनका अनुसार शवसँगै पुलमुनि मोटरसाइकल समेत फेला परेको छ ।
मधेस प्रदेश ३०६१ नम्बरको मोटरसाइकल सहित उनको शव भेटिएकाले दुर्घनामा परेर ज्यान गएको हुन सक्ने प्रहरीको अनुमान छ ।
कसरी दुर्घटना भयो भन्ने कुरा अहिलेसम्म खुलेको छैन । घटनाका बारेमा प्रहरीले अनुसन्धान गरिरहेको डिएसपी न्यौपानेले बताए ।
पुलको तल शव देखेपछि स्थानीयबासीले प्रहरीलाई खबर गरेका थिए।
