जनकपुर न्युज
जनकपुरधाम, फागुन २३ गते ।
नयाँ गठबन्धनको पुष्पकमल दाहाल प्रचण्ड नेतृत्वको सरकारमा सहभागी हुने निर्णयले जनता समाजवादी पार्टी (जसपा) भित्र विवाद चर्किएको छ ।
अध्यक्ष उपेन्द्र यादवले सरकारमा सहभागी हुने एकल निर्णय गरेको भन्दै पार्टीमा विवाद सुरु भएको हो ।
सरकारमा सहभागी हुने विषयमा आज जसपाको केन्द्रिय कार्यकारिणी बैठक बसेको थियो ।
सो बैठकमा बहुमत सदस्यले पार्टी सरकारमा जान नहुने र विश्वासको मत नदिन हुने मत राखेको जसपाका एक नेताले जनकपुर न्युजलाई बताए । बहुमत सदस्यले सरकारमा जान नहुने सुझाव दिएपछि जसपा अध्यक्ष यादव अप्ठ्यारोमा परेका छन् ।
‘जसपाको कार्यकारिणी समितिको बैठकमा धेरै सदस्यले सरकारमा जाने कुराको विरोध गरेपछि प्रचण्ड सरकारमा जाने ‘नजाने कुनै निर्णय हुन सकेन्,’ बैठकमा सहभागी ती नेताले भने, ‘केही समय ‘पर्ख र हेर’को अवस्था रहने भन्ने भएको छ ।’
उनका अनुसार बैठकले कुनै निर्णय लिन नसके पछि सोही सन्देश बोकेर अध्यक्ष उपेन्द्र यादव, उपाध्यक्ष राजेन्द्र श्रेष्ठ र प्रवक्ता मनिस सुमन बालुवाटार पुगेका छन् ।
