जनकपुर न्युज
जनकपुरधाम, फागुन २१ गते ।
मधेश प्रदेशको मुख्यमन्त्रीमा डा. सिके राउत नेतृत्वको जनमत पार्टीले दावी गरेको छ ।
नयाँ सत्ता गठबन्धनमा सहभागी हुन उसले यस्तो शर्त राखेको हो ।
जनमत पार्टीको सचिवलय बैठकले प्रदेशमा मुख्यमन्त्री दावी गर्ने निर्णय गरेको हो ।
नेपाली कांग्रेस नेतृत्वको गठबन्धन छोडेर प्रधानमन्त्री पुष्पकमल दाहाल प्रचण्डले नेकपा एमाले, राष्ट्रिय स्वतन्त्र पार्टी र जनता समाजवादी पार्टीसँग गठबन्धन गर्ने सहमति गरेपछि जनमत पार्टीको सचिवालय बैठक बसेको थियो ।
‘हामीलाई विगत एक वर्षमा मधेशमा पनि सही मूल्याकंन भएको छैन र संघमा पनि राम्रो समन्वय गरिएको छैन’, पार्टी सचिव बीपी साहले भने ।
यद्दपी जसपा अध्यक्ष उपेन्द्र यादवले भने प्रदेशमा कुनैपनि हालतमा जनमतलाई मुख्यमनत्री नदिने पक्षमा छ ।
जसपा अध्यक्ष उपेन्द्र यादव र जनमतका अध्यक्ष राउतबीच पछिल्लो समय बढेको राजनीतिक टकराबले जनमतलाई कुनैपनि हालतमा मुख्यमन्त्री नदिने निष्कर्षमा आफुहरु रहेको जसपाका एक नेताले बताए ।
